මැතිවරණ කොමිෂන් සභාව, සරණ මාවත, රාජගිරිය, ශ්‍රී ලංකාව 10107
+94 11 286 8441
"සර්වජන ඡන්ද බලය සුරකින දේශයක්"
“ජනතා පරමාධිපත්‍යය, සර්වජන ඡන්ද බලය හා සබැඳි ප‍්‍රජාතන්ත‍්‍රවාදී මූලධර්ම ආරක්ෂා කරමින් පුරවැසියන්ගේ අයිතිවාසිකම් සුරක්ෂිත වන පරිදි අදාළ සියළු පාර්ශව දැනුවත් කෙරෙන නිදහස්, සාධාරණ හා විශ්වසනීය මැතිවරණ ක‍්‍රියාවලියක් කාර්යක්ෂමව හා සඵලතාවයෙන් යුතුව මෙහෙයවීම.”
මැතිවරණ කොමිෂන් සභාවේ හා එහි නිළධරයන්ගේ අවංකභාවය, උසස් චරිතවත්භාවය හා ඍජු ප්‍රතිපත්ති පවත්වාගෙන යාම
සියලුම කටයුතුවලදී මැතිවරණ කොමිෂන් සභාව හා එහි නිලධරයන් සත්‍යවාදී, සාධාරණ හා විවෘත ලෙස කටයුතු කරනු ලබන බව
මැතිවරණ කොමිෂන් සභාවේ නිළධරයන් කිසිවක් නොසඟවා අවංකව කථාකරන බව හා ක්‍රියාකරන බව.
සෑම සුදුසුකම් ලත් පුරවැසියෙකුටම මැතිවරණ ක්‍රියාවලියට සමානව, නිදහස් සහ කිසිඳු භේදයකින් තොරව සහභාගි විය හැකි බව සහතික කිරීම.
කොමිෂන් සභාවේ කටයුතුවල දී එහි දැක්ම, මෙහෙවර, පරමාර්ථ හා අරමුණු වලට මුළුහදින්ම එකඟව ක්‍රියා කිරීම හා ඉදිරිපත්වන ගැටලු හා අභියෝගවලට නොපසුබවට මුහුණදීම.
මැතිවරණ කොමිෂන් සභාවේ හා එහි නිළධරයන්ගේ අවංකභාවය, උසස් චරිතවත්භාවය හා ඍජු ප්‍රතිපත්ති පවත්වාගෙන යාම
මැතිවරණ කොමිෂන් සභාව හා එහි නිලධාරින් තමන්ගේ සියලු කටයුතු පිළිබඳ වගවීම, ඒ කටයුතුවල වගකීම්වලට බැඳීම, තමන් කරන කටයුතු වල ප්‍රතිඵල විනිවිද පෙනෙන ලෙස ප්‍රකාශයට පත්කිරීම.
මැතිවරණ කොමිෂන් සභාව හා එහි නිලධාරින් එක් පුද්ගලයෙකු හෝ පුද්ගල කණ්ඩායමක් හා බැඳී නොසිටීම හා එවැනි බලපෑම්වලට ගොදුරු නොවීම, පාර්ශ්ව නොගැනීම
මැතිවරණ කොමිෂන් සභාව හා එහි ඉහළම නිලධාරියා ඇතුළු සියලුම නිලධරයන් හා සේවකයන් තුළ ම නිවැරදි ආකල්ප සහිතව එක්ව කටයුතු කිරීම පිළිබඳ හැඟීමක් තිබීම
පුරවැසි අධ්‍යාපනය, ඡන්දදායකයින් දැනුම්පත් කිරීම සහ සියලු දෙනා ඇතුළත් කර ගැනීම තුළින් ක්‍රියාකාරි පුරවැසි සංස්කෘතියක් ප්‍රවර්ධනය කිරීම.
සාධාරණත්වය, සියලු දෙනා ඇතුළත් කර ගැනීම, විනිවිදභාවය සහ වගවීම සහතික කරමින්, වර්තමාන යථාර්ථයන් පිළිඹිඹු වන පරිදි මැතිවරණ නීති යාවත්කාලීන කිරීම සහ ශක්තිමත් කිරීම
කොමිෂන් සභාව තුළ ආයතනික ධාරිතාව ගොඩනැගීම, ස්වාධීනත්වය, මූල්‍ය තිරසාරභාවය සහ වෘත්තීය විශිෂ්්ටත්වය වැඩි දියුණු කිරීම.
මැතිවරණ කළමනාකරණ නවීකරණය කිරීම සඳහා ඩිජිටල් නවෝත්පාදන සහ තොරතුරු හා සන්නිවේදන තාක්ෂණය උපයෝගී කර ගැනීම මෙන්ම සුරක්ෂිත, කාර්යක්ෂම සහ විනිවිදභාවයකින් යුත් ක්‍රියාවලීන් සහතික කිරීම.