இலங்கையில் பிரதிநிதித்துவ ஜனநாயகத்தின் ஆரம்பம் 19 ஆம் நூற்றாண்டு வரை நீண்டு செல்கின்றது. தற்காலத்தைப் போன்று தேர்தல்கள்/வாக்கெடுப்பு விரிவான அடிப்படையில் காணப்படவில்லை எனினும், பிரித்தானியர் ஆட்சி காலத்தில் அதாவது, 1865 ஆம் ஆண்டின் 17 ஆம் இலக்க கட்டளைச் சட்டத்தின் கீழ் கொழும்பு மாநகர சபைக்கு பிரதிநிதிகளைத் தேர்ந்தெடுப்பதற்காக நடத்தப்பட்ட தேர்தலிலேயே, இலங்கையில் மக்கள் முதன் முறையாக வாக்குரிமையைப் பயன்படுத்திய சந்தர்ப்பமாகும். அதன் பின்னர் குருமெக்லம் ஆணைகுழுவின் பரிந்துரை மீது 1911 ஆம் ஆண்டு அப்போது காணப்பட்ட சட்டவாக்க சபையின் பரிந்துரையின் உறுப்பினர்கள் நான்குபோர் மாத்திரம் வரையறுக்கப்பட்ட வாக்கெடுப்பினால் இந்த நாட்டின் வாக்காளர்களால் தேர்ந்தெடுத்தல் அடிப்படையில் சட்டசபைக்கு மக்களின் வாக்கின் மூலம் பிரதிநிதிகளைத் தேர்ந்தெடுக்கும் முறை ஆரம்பமானது. அதாவது, 1910 இல் மேற்கொள்ளப்பட்ட குருமெக்லம் மறுசீரமைப்பின் கீழ் சட்டவாக்க பிரதிநிதிகள் எண்ணிக்கை 21 வரை அதிகரிக்கப்பட்ட பின்னர். உத்தியோகபூர்வ 11, உத்தியோகப்பற்றற் 10 என்றவாறு சட்டவாக்க சபை அமைந்திருந்தது.இங்கு உத்தியோப்பற்றற்ற நான்கு போர் உறுப்பினர்கள் அதாவது, ஐரோப்பியர் (கிராமிய மற்றும் நகர்புற) 02 பேர், பேர்கர் 01 மற்றும் இலங்கையர் 01 என நான்கு பேர் 1911 ஆம் ஆண்டு நடைபெற்ற மட்டுப்படுத்தப்பட்ட தேர்தலின் மூலம் தேர்ந்தெடுக்கப்பட்டனர்.

கோல்புரூக் மறுசீரமைப்பின் கீழ் ஆரம்பத்தில் 1833 இல் தாபிக்கப்பட்ட சட்டவாக்க சபையில் 09 உத்தியோகபூர்வ உறுப்பினர்களும், 06 உத்தியோகப்பற்றற்ற என்றவாறு 15 உறுப்பினர்கள் இருந்தனர். இந்த சந்தர்ப்பத்தில் உறுப்பினர்கள் தேர்தல்கள் மூலம் தெரிவு செய்யப்படவில்லை. அங்கு உத்தியோப்பற்றற்ற உறுப்பினர் ஐரோப்பியர் 03, சிங்களவர் 01, தமிழர் 01 மற்றும்பேர்கர் 01 என ஆறுபேர் அளுநரினால்பெயரிடப்பட்டனர்.

மெனிங் டெவென்ஷயார் மறுசீரமைப்பின் கீழ் 1920 ஆம் ஆண்டு தாபிக்கப்பட்ட சட்டவாக்க மந்திரி சபையில் 37 உறுப்பினர்கள் இருந்தனர். அது உத்தியோகபூர்வமான 14 உறுப்பினர்கள், உத்தியோப்பற்றற்ற 23 உறுப்பினர் கொண்டதாக காணப்பட்டது. உத்தியோப்பற்றற்ற 5 பேர் வாக்கெடுப்பு மாவட்ட அடிப்படையில் வாக்களிப்பின் மூலம் தெரிவு செய்யப்பட்டனர்

1923 ஆம் ஆண்டு அரச கட்டளையின் கீழ் 1924 இல் தாபிக்கப்பட்ட சட்டவாக்க மந்திரி சபைக்கு 49 உறுப்பினர்கள் நியமனம் செய்யப்பட்டனர். அது உத்தியோப்பற்றுடைய 12 உறுப்பினர் மற்றும் உத்தியோகப்பற்றற்ற 37 உறுப்பினர்களை உள்ளடக்கியிருந்தது. உத்தியோகப்பற்றற்ற உறுப்பினர்களில் 23பேர் மாகாண அடிப்படைத் தேர்தல்கள் மூலம் தெரிவு செய்யப்பட்டனர்.

மேற்கூறிய தரவல்களின் படி, 1910 - 1930 இடைப்பட்ட காலப்பகுதியில் 03 தேர்தல்கள் நடத்தப்பட்டுள்ளதோடு இத தேர்தல்களை நடாத்துவதற்கான சட்ட ஏற்பாடுகள் மூன்று யாப்புக்கள் மூலம் செய்யப்பட்டுள்ளமையை அவதானிக்க முடிகின்றது.

1. 1910 ஆம் ஆண்டு சட்டவாக்க சபை கட்டளைச் சட்டம்

2. 1920 ஆம் ஆண்டு இலங்கை (அரச பேரவை) கட்டளைச் சட்டம்

3. 1923 ஆம் ஆண்டு இலங்கை (அரசபேரவை) கட்டளைச் சட்டம்

இந்தத் தேர்தல்களின் போது அதிக எண்ணிக்கையான வாக்குகளைப் பெற்ற வேட்பாளர் அடிப்படையில் உறுப்பினர்கள் தெரிவு செய்யப்பட்டனர்.

இந்த உறுப்பினர்கள் வாக்கெடுப்பின் மூலம் தெரிவு செய்யும் போது, தற்காலத்தைப் போன்று எல்லை நிர்ணய ஆணைக் குழுவினால் தேர்தல்கள் மாவட்டங்கள் பிரிக்கப்படவில்லை. அதற்காக பின்வரும் அளவுகோல்கள் கவனத்தில் கொள்ளப்பட்டுள்ளமையை அவதானிக்க முடிகின்றது. அங்கு நிலத்தின் அளவு அல்லது சனத்தொகை தொடர்பாக கவனம் செலுத்தப்படவில்லை என்பதுதெரியவருகின்றது.

1. நிர்வாக நில அலகினைப் பயன்படுத்தல் :-

உ-ம்) அப்போது காணப்பட்ட மாகாண அல்லது வருமான மாவட்டங்கள்

2. இனப் பிரிவின் அடிப்படையில் வேறுபிரித்தல:-

உ-ம்) ஐரோப்பியர் (கிராமிய), ஐரோப்பியர்(நகர), பேர்கர் என்றவாறு.

3. சிங்கள மற்றும் தமிழ் அடிப்படையில் பிரித்தல் (பிற்காலத்தில்)

4. வகுப்பு அல்லது தொழில் அடிப்படையில் உதாரணம்:-

உ-ம்) வர்த்தக சங்கங்க உறுப்பினர்கள், உற்பத்தியாளர் சங்கங்க உறுப்பினர்கள் என்றவாறு.

இந்தக் காலப்பகுதியில் தேருநர்களின் தகைமைகளாகப் பல்வேறு காரணிகள் கருத்தில் கொள்ளப்பட்டுள்ளதென்பதை அவதானிக்க முடிகின்றது.அதற்கமைய,

1. இனத்தின் அடிப்படையில் வாக்கெடுப்பு மாவட்டங்களை ஏற்படுத்துவதன் மூலம் இனம் வாக்குரிமை கிடைப்பதற்கான தகுதியாக அமைதல்.

2. மொழி அறிவு அடிப்படையில் வாக்குரிமை கிடைத்தல், இதன் போது ஆங்கிலம் போன்ற மொழியறிவு இருத்தல் வாக்குரிமை கிடைப்பதற்கான தகைமையொன்றாக அமைதல்.

3. வதிவிற்கமைய தகைமை கிடைத்தல், இதன்கீழ் ஒவ்வொரு வருடமும் யூன் மாதம் 01 ஆம் திகதிக்கு ஒரு வருட காலம் அந்தப் பிரதேசத்தில் வசிப்பவராக இருத்தல் அவசியமாகும் என்பதோடு, அதில் இறுதி 06 மாத காலம் தொடர்ச்சியான வதிவைக் கொண்டிருப்பது அவசியமாகும்.

4. வருமானம் மற்றும் சொத்துக்கள்:

உ-ம்) உதாரணமாக, ஆண்டு வருமானம் ரூபா. 600 இருத்தல்வேண்டுமென்பதோடு ரூபா. 1,500 மதிப்புடைய ,சொத்து/ அசையா ஆதனத்தை உரித்தாக கொண்டிருப்பது போன்ற காரணிகள் கருத்தில் கொள்ளப்பட்டன.

வாக்காளர்களுக்குத் தகுதிகள் மற்றும் தகுதியீனங்கள் விதிக்கப்பட்டிருந்தமை விசேட அம்சமாகும்.. உதாரணமாக, 21 வயதுக்கு குறைவாக இருத்தல் , பெண் ஒருவராகவிருத்தல், மனநிலை பாதிக்கப்பட்டிருத்தல், சிறைத்தண்டனை பெற்றிருத்தல் அல்லது மரண தண்டனை விதிக்கப்பட்டிருத்தல் போன்ற காரணிகள் மீது வாக்குரிமை இழக்கச் செய்யப்பட்டது.

வேட்பாளர் தகைமைகள்:

வேட்பாளர்கள் வாக்காளராகப் பதிவு செய்யப்பட்டிருத்தல் மாத்திரம் போதுமானதல்ல, வேட்பாளராகப் போட்டியிடுவதற்கு தகைமையீனங்கள் இருத்தல் கூடாதென்பதோடு வதிவுக் காலம் 03 வருட காலப்பகுதியாக இருத்தல், 03 வருட காலத்திற்கு மேற்பட்ட சிறைத் தண்டனை பெறாதிருத்தல் போன்ற விடயங்கள் கருத்தில் கொள்ளப்பட்டன. மேலும், வயது 25க்குக் குறைவாக இருத்தல், அரச சேவையில் ஈடுபட்டிருத்தல் அல்லது அரச சேவையிலிருந்து நீக்கப்பட்ட ஒருவராக இருத்தல் போன்றவை தகைமையற்றவராவதில் தாக்கம் செலுத்திய காரணிகளாகும். வருமான நிலையும் 1920 ஆம் ஆண்டின் கட்டளைச் சட்டத்தின் 13 (2) இன் கீழ் கருத்தில் கொள்ளப்பட்டுள்ளது.

தற்போதைய காலப்பகுதியில் போன்றே அக்காலப் பகுதியிலும் தேருநர் இடாப்புத் தயாரித்தல் மேற்கொள்ளப்பட்டுள்ளது. அப்போதைய பிரதானமான நிர்வாகியான அளுநர் அவர்களினால் பதிவு அலுவலர்கள் நியமனம் செய்யப்பட்டதோடு. அந்தப் பதிவு அலுவலரினால்தேருநர் இடாப்புக்கள் தயாரிக்கப்பட்டன. அரசாங்க முகவர, உதவி அரசாங்க முகவர் மற்றும் வருமானக் கட்டுப்பாட்டாளர் போன்ற பதவிகளை வகிப்பவர்கள் பதிவு செய்யும் உத்தியோகத்தர்களாக நியமனம் செய்யப்பட்டனர்.

இந்த அனைத்து நிர்வாக மற்றும் முகாமைத்துவப் பணிகளும் ஆளுநரின் கட்டளையின் கீழ் மேற்கொள்ளப்பட்டன. அவரால் தெரிவத்தாட்சி அலுவலர்கள் மற்றும் சிரேட்ட தலமை தாங்கும் அலுவலர்கள் போன்ற பணியாட் குழுவினர் தெரிவு செய்தல் மற்றும் நியமனம் செய்வதற்கு நடவடிக்கை எடுக்கப்பட்டுள்ளது. . பதிவு செய்யும் உத்தியோகத்தர்கள், குறிப்பாக தேருநர் கணக்கெடுப்பு மேற்கொள்ளப்பட்டது., தெரிவத்தாட்சி அலுவலர்களால் தேர்தல்கள் நடாத்தல் மற்றும் முடிவுகளை வெ ளியிடுதல் போன்ற அனைத்துப் பணிகளும் மேற்கொள்ளப்பட்டன. இது தவிர தேர்தல்கள் தவறுகள் மற்றும் ஊழல்கள் தொடர்பான ஏற்பாடுகள் செய்யப்படிருந்தமையும் முக்கியமான இலட்சணமாகும். .

டொனமூர் அரசியலமைப்பின் கீழ், 1931 ஆம் ஆண்டின் இலங்கை (அரச சபை) கட்டளைச் சட்டத்திற்கமைய அரச மந்திரி சபை தாபிக்கப்பட்டது. இந்த அரச மந்திரி சபைக்குப் பிரதிநிதிகளைத் தேர்ந்தெடுப்பதற்காக, 1931 ஆம் ஆண்டின் இலங்கை (அரச மந்திரி சபை) தேர்தல்கள் கட்டளைச் சட்டத்தின் கீழ் செயற்பாடுகள் முன்னெடுக்கப்பட்டன. 1931 மற்றும் 1936 ஆம் ஆண்டுகளில் இதற்காக இரண்டு தேர்தல்கள் நடாத்தப்பட்டன, இரண்டாம் உலகப் போர் காரணமாகத் அடுத்த தேர்தல்கள் நடாத்தப்படவில்லை.இதன் பிரகாரம், அரச மந்திரி சபையின் பதவிக்காலம் 11 ஆண்டுகள் வரை காலநீடிப்புச்செய்யப்பட்டு பேணிவரப்பட்டுள்ளதை அவதானிக்க முடிகின்றது..

1930 ஆம் ஆண்டில் ஆளுநரினால் எல்லை நிர்ணய ஆணைக் குழு நிமைனம் செய்யப்பட்டதோடு, அந்த ஆணைக்குழுவினால் மாகாண அடிப்படையில் தேர்தல்கள் மாவட்டங்கள் 50 வேறு பிரிக்கப்பட்டன.இங்கு சனத்தொகை சுமார் 100,000 முதல் 125,000 இடைப்பட்ட தொகைக்கு ஒரு பிரதிநிதியைத் தேர்ந்தெடுப்பதற்கு திட்டமிடப்பட்டுள்ளதை காணமுடிகின்றது. இதற்கமைய தேர்தல்கள் மாவட்ட எண்ணிக்கை மாகாண அடிப்டையில் பிரிக்கப்பட்டன:

மொத்தமாக 50 தேர்தல்கள் மாவட்டங்கள் வேறிபிரிக்கப்பட்டுள்ளது.

டொனமூர் சீர்திருதத்தின் கீழ் ஆளுநரால் நியமிக்கப்பட்ட பதிவு செய்யும் உத்தியோகத்தர்களால் தேருநர் இடாப்புத் தயாரிக்கும் பணி மேற்கொள்ளப்பட்டதோடு, அதன் கீழ் தேருநர்கள் பதிவு செய்யப்பட்டனர். டொனமூர் சீர்திருதத்தின் கீழ் சர்வஜன வாக்குரிமை 21 வயதுக்குமேற்பட்ட ஆண்பெண் இருபாலாருக்கும் கிடைத்தது. சர்வஜன வாக்குரிமை என்பது குறித்த வயதெல்லைக்கு மேற்பட்ட நியதிச்சட்ட தகைமையீனங்களுக்கு உட்படாத அனைத்துப் பிரஜைகளும் வேறுபாடுகளின்றி தமது வாக்குரிமை பிரயோகிப்பதற்குள்ள உரிமையென குறிப்பிட முடியும். இதற்குத் தேவையான சட்ட மற்றும் புதிய செயற்பாடுகளுக்குத் தேவையான சட்ட மற்றும் மடுகாமைத்துவ ஏற்பாடுகள் புதிதாக அறிமுகம் செய்யப்பட்டன. தேர்தல்கள் செயற்பாடுகள் ஆளுநரின் அறிவுறுத்தல் மற்றும் கட்டளைகளின் மீது தெரிவத்தாட்சி அலுவலர்களினால் முன்னரைப் போன்று மேற்கொள்ளப்பட்டன.

1931 மற்றும் 1936 ஆம் ஆண்டுகளில் நடாத்தப்பட்ட தேர்தல்களின் போது வாக்குச் சீட்டுகளில் கட்சிச் சின்னங்கள் பயன்படுத்தப்படவில்லை. அதற்குப் பதிலாக, ஒவ்வொரு வேட்பாளருக்கும் வெவ்வேறு நிறங்கள் கொண்ட வாக்குப் பெட்டிகள் பயன்படுத்தப்பட்டதாகவும், வாக்காளர்கள் வாக்குச் சீட்டுக்களை மடித்து தமக்கு விருப்பமான வேட்பாளரின் /கட்சியின் நிறத்தைக் கொண்ட வாக்குப் பெட்டியில் இடுவதன் மூலம் தமது விருப்பத்தை வெளிப்படுத்துவதற்கு சந்தர்ப்பம் செய்து கெடுக்கப்பட்டமை விசேட் அம்சமாகும். சர்வஜன வாக்குரிமை கிடைத்தலின் கீழ் 21 வயது பூர்த்தியடைந்த / மேற்பட்ட அனைவருக்கும் வாக்குரிமை கிடைத்தல் முன்னரைப் போன்று கல்வியறிவு வாக்காளராவதற்குத் தேவையான விசேட தகுதியொன்றாக இல்லாத காரணத்தினால், புதிதாக ஒன்றுசேர்கின்ற பெரும் எண்ணிக்கையானவர்களின் படிப்பறிவு தொடர்பான பிரச்சினைக்கு இது சிறந்த பரிகாரமாக அமைந்தது.

1946 ஆம் ஆண்டின் இலங்கை (பாராளுமன்ற தேர்தல்கள்) அரச பேரவை கட்டளைச் சட்டம் மற்றும் 1946 ஆம் ஆண்டின் உள்ளூர் அதிகார சபைத் தேர்தல்கள் சட்டம் நிறைவேற்றப்பட்ட பின்னர், 1947 ஆம் ஆண்டில் பாராளுமன்றத் தேர்தல்களை நடத்துவதற்காக ஆணையாளர் ஒருவரின் கீழ் பாராளுமன்றத் தேர்தல்கள் திணைக்களம் தாபிக்கப்பட்டது.அதேபோன்று, உள்ளூர் அதிகார (பிரதேச சபை) சபைத் தேர்தல்களுக்காக உள்ளூர் அதிகார சபைத் தேர்தல்கள் திணைக்களம் கீழ் மற்றொரு ஆணையாளரின் கீழ் தாபிக்கப்பட்டது.இதன் படி 1947 - 1955 ஒக்தோபர் வரை, இரண்டு ஆணையாளர்களின் கீழ் பாராளுமன்ற உறுப்பினர்கள் மற்றும் உள்ளூர் அதிகார சபை உறுப்பினர்களைத் தேர்ந்தெடுப்பதற்கான பணிகள் மேற்கொள்ளப்பட்டன. இதற்கமைய, 1947 ஆம் ஆண்டு முதலாவது பாராளுமன்றத் தேர்தல்கள் மற்றும் 1952 ஆம் ஆண்டு இரண்டாவது பாராளுமன்றத் தேர்தல்கள் ஆகியவை பாராளுமன்றத் தேர்தல்கள் திணைக்களத்தின் மூலம் நடாத்தப்பட்டன. உள்ளூர் அதிகார சபைத் தேர்தல்கள் திணைக்களத்தினால் அந்தந்தக் காலப்பகுதியினுள் உள்ளூர் அதிகார சபைத் தேர்தல்களும் நடாத்தப்பட்டன.

தேர்தல்கள் திணைக்களம் 1955 ஆம் ஆண்டு ஒக்தோபர் மாதம் 01 ஆம் திகதி தாபிக்கப்பட்டது. இருப்பினும், காணப்பட்ட பாராளுமன்ற தேர்தல்கள் திணைக்களம் மற்றும் உள்ளூராட்சி மன்ற தேர்தல்கள் திணைக்களம் ஆகியவற்றை இணைப்பதன் மூலம் தேர்தல்கள் திணைக்களம் உருவாக்கப்பட்டது, அதன் பிரதானியாக தேர்தல்கள் ஆணையாளர் இருந்தார்.

தற்போதைய நடைமுறையின் படி, இறையாண்மை மற்றும் ஜனநாயகத்தைப் பாதுகாப்பதற்காக சுதந்திரமான மற்றும் நியாயமான தேர்தல்களை நடாத்துதல், மக்கள் தீர்ப்புத் தேர்தல்களை நடாத்துதல்,அதற்குத் தேவையான தேருநர் இடாப்புக்களைத் தயாரித்தல் என்பன தேர்தல்கள் திணைக்களத்தின் நோக்கும் மற்றும் பொறுப்பும் ஆகும். இந்தப் பொறுப்புக்களை ஆற்றுவதற்காக தேர்தல்கள் ஆணையாளருக்கு மற்றும் தேர்தல்கள் திணைக்களத்திற்குவேறு அரச நிறுவனங்களுக்கு இல்லாத விசேடமான சுயாதீனத் தன்மை அன்றைய காலம் தொடக்கம் உரித்தாக காணப்பட்டது.

தேர்தல்கள் திணைக்களம் எந்தவொரு அமைச்சின் கீழும் உள்ளடக்கப்படாமை, தேர்தல்கள் ஆணையாளரின் அனுமதியின்றி அலுவலர்களை திணைக்களத்திற்குப்பெற்றுக்கொள்ளல் அல்லது திணைக்களத்திலிருந்து வெளியில் அனுப்ப முடியாமை சுயாதீனமாக செயற்படுவதற்கு சந்தர்ப்பம் வழங்குதல் மற்றும் மேலும், திணைக்களத்திற்கு அழுத்தம் மேற்கொளாமை காரணமாக ,அதன் சுயாதீனத் தன்மை பாதுகாக்கப்பட்டிருத்தல் மேலும் தேர்தல்கள் ஆணையாளர் நீதிமன்றத்திற்கு மாத்திரம்பொறுப்புக் கூறுவதற்கு கட்டுப்பட்டிருத்தல் ஆகிய விடயங்கள் தேர்தல்கள் திணைக்களம் பிற அரசாங்க நிறுவனங்களிலிருந்து தனித்துவமான சுயாதீனத்தைக் கொண்டுள்ளது என்பதற்குச் சான்றாகும்.

அதன்படி, சுதந்திரமான மற்றும் நியாயமான தேர்தல்களை நடத்துவதற்காக அனைத்துத் தகுதியுள்ள பிரஜைகளையும் வருடாந்த தேருநர் இடாப்பில் பதிவு செய்தல் மற்றும் தகுதியற்றவர்களைப் பட்டியலில் சேர்க்காமல் இருப்பதற்கான நடவடிக்கைகளை எடுப்பது தேர்தல்கள் திணைக்களத்தின் முக்கிய பணியாகும்.

மேலும், அரசியலமைப்பின்படி நடத்தப்படும் ஜனாதிபதித் தேர்தல்கள் மற்றும் பாராளுமன்றத் தேர்தல்கள், சர்வஜன வாக்கெடுப்பு போன்ற சந்தர்ப்பங்களில் சுதந்திரமான மற்றும் நியாயமான தேர்தல்களை நடத்துவது தேர்தல்கள் திணைக்களத்தின் மற்றுமொரு முக்கிய கடமையாகும்.

இதன்படி, தேர்தல்கள் திணைக்களத்தின் பணிகளை பின்வருமாறு சுருக்கமாகக் குறிப்பிடலாம்:

(அ).     வருடாந்த தேருநர் இடாப்புத் தயாரித்தல் மற்றும் உறுதிப்படுத்துதல்..

(ஆ)     தேசிய தேர்தல்கள்:

1. ஜனாதிபதித் தேர்தல்கள்

2. பாராளுமன்றத் தேர்தல்கள்

3. மக்கள் தீர்ப்பு வாக்கெடுப்பு

(இ)      மாகாண மற்றும் பிரதேச மட்டங்கள்:

1. மாகாண சபைத் தேர்தல்கள் நடாத்துதல்

2. மாநகர சபை, நகர சபை மற்றும் பிரதேச சபைத் தேர்தல்களை நடாத்துதல்.

இந்த அனைத்துத் தேர்தல்களும் மற்றும் தேர்தல்கள் நடத்துதல்களும் இலங்கை ஜனநாயக சோசலிச குடியரசின் அரசியலமைப்பினால் நிர்ணயிக்கப்பட்ட விதிகளுக்கு அமைய, அந்தந்தத் தேர்தல்களுக்காக விசேட சட்டங்கள் மூலம் சட்ட ஏற்பாடுகள் செய்யப்பட்டுள்ளன. அவை கீழே குறிப்பிடப்பட்டுள்ளன:

I.    1981 ஆம் ஆண்டின் 01 ஆம் இலக்க பாராளுமன்றத் தேர்தல்கள் சட்டம்.

II.   1981 ஆம் ஆண்டின் 07 ஆம் இலக்க மக்கள் தீர்ப்புச் சட்டம்.

III.  1981 ஆம் ஆண்டின் 15 ஆம் இலக்க ஜனாதிபதித் தேர்தல்கள் சட்டம்.

IV.   1988 ஆம் ஆண்டின் 02 ஆம் இலக்க மாகாண சபைத் தேர்தல்கள் சட்டம்.

V.    1980 ஆம் ஆண்டின் பிரதேச சபைகள் சட்டம்.

VI.   உள்ளூர் அதிகார சபைகள் தேர்தல்கள் சட்டம். (262 ஆம் அத்தியாயம்) மற்றும் அதனுடன் தொடர்புடைய திருத்தச் சட்டங்கள்

VII. 1980 ஆம் ஆண்டின் 44 ஆம் இலக்க தேருநர்களைப் பதிவு செய்தல் சட்டம். மற்றும் அதனுடன் தொடர்புடைய திருத்தச் சட்டங்கள்

உள்ளூராட்சி மன்றத் தேர்தல்கள் சட்டங்களுக்கு அமைய, 1980 ஆம் ஆண்டின் 35 ஆம் இலக்க அபிவிருத்திச் சபைகள் சட்டத்தின்படி 1981.03.25 திகதி இலக்கம் 133/7 எனும் விசேட வர்த்தமானி அறிவித்தல் மூலம் பிரசுரிக்கப்பட்ட அபிவிருத்திச் சபைகள் 24 இற்கான அந்த வர்த்தமானி அறிவித்தலுக்கு அமைய உறுப்பினர்களைத் தெரிவு செய்யும் தேர்தல்கள் 1981.06.04 ஆம் திகதி நடைபெற்றது.

ஒவ்வொரு சட்டத்தின் மூலமும் அந்தந்தத் தேர்தலுக்கு அல்லது வாக்கெடுப்பிற்குத் தேவையான சட்ட அதிகாரம் வழங்கப்பட்டுள்ளது. வேட்புமனுத் தாக்கல் செய்தல், தேர்தல்கள் பணிகளை முன்னெடுத்தல், தேர்தல்கள் தவறுகள் மற்றும் சட்டவிரோதச் செயல்களைக் கட்டுப்படுத்துதல் உள்ளிட்ட அனைத்து நிர்வாக மற்றும் முகாமைத்துவப் பணிகளும் தேர்தல்கள் ஆணையாளரின் அறிவுறுத்தலின்படி மேற்கொள்ளப்படுகின்றன.

தேர்தல்கள் திணைக்களம் 1955 ஆம் ஆண்டு தாபிக்கப்பட்ட காலத்தில் இருந்த சட்ட விதிகள், தேர்தல்களை நடத்துவதற்கும் அந்தத் தேர்தல்களைத் திட்டமிடுவதற்கும் பயன்படுத்தப்பட்ட நிர்வாக நடைமுறைகளும் காலப்போக்கில் மாற்றமடைந்துள்ளன. தேர்தல்கள் ஆணைக்குழு தாபிக்கப்பட்ட காலத்திலிருந்து தேர்தல்கள் ஆணையாளர்கள் ஆறு (06) பேர் கடமையாற்றியுள்ளனர்.

முதலாவது தேர்தல் ஆணைக்குழு (2015.11.17 தொடக்கம் 2020.12.02 வரை)

தேர்தல் ஆணைக்குழுவானது மூன்று (03) உறுப்பினர்களைக் கொண்டிருத்தல் வேண்டும் என்பதோடு, அவர்களில் ஒருவர் தவிசாளராக நியமிக்கப்படுதல் வேண்டும். அதற்கமைய, தேர்தல் ஆணைக்குழுவின் உறுப்பினர்களாக முன்னாள் தேர்தல்கள் ஆணையாளர் திரு. மகிந்த தேசப்பிரிய , ஜனாதிபதி சட்டத்தரணி திரு. நலின் ஜே. அபேசேக்கர மற்றும் , பேராசிரியர் ரத்னஜீவன் எச். ஹூல் ஆகியவர்கள் அரசியலமைப்பு சபையின் பரிந்துரையின் பேரில் ஜனாதிபதி அவர்களால் 2015.11.13 ஆம் திகதி நியமனம் செய்யப்பட்டனர், மூன்று உறுப்பினர்களில் முன்னாள் தேர்தல் ஆணையாளர் திரு. மகிந்த தேசப்பிரிய அவர்கள் ஆணைக்குழுவின் முதலாவது தவிசாளராக நியமிக்கப்பட்டதோடு, ஆணைக்குழுவின் முதலாவது கூட்டம் அனைத்து உறுப்பினர்களின் பங்கேற்புடன் 2015.11.17 ஆம் திகதி தேர்தல்கள் செயலகத்தில் நடைபெற்றது.

தேர்தல் ஆணைக்குழுவிற்கான மூலோபாயத் திட்டத்தைத் தயாரித்தல், 2018 ஆம் ஆண்டில் உள்ளூர் அதிகார சபைத் தேர்தலை நடாத்துதல், 2019 ஜனாதிபதித் தேர்தலை நடாத்துதல், 2020 ஆம் ஆண்டில் கொவிட் தொற்று நோய் நிலைமைக் காலப்பகுதியில் மிகவும் அமைதியான முறையில் பாராளுமன்றத் தேர்தலை நடாத்துதல், தேர்தல்கள் / வாக்கெடுப்பு தொடர்பான தேர்தல்கள் சட்டங்கள் பெரும்பாலானவற்றில் திருத்தங்களை மேற்கொள்வதற்கான நடவடிக்கைகளை எடுக்கப்பட்டன.

இரண்டாவது தேர்தல் ஆணைக்குழு (2020.12.03 ஆம் திகதி தொடக்கம் 2023.06.27 ஆம் திகதி வரை)

20 ஆவது அரசியலமைப்புத் திருத்தத்திற்கு அமைவாக, 2020.12.03 திகதி தொடக்கம் நியமனம் செய்யப்பட்ட தேர்தல் ஆணைக்குழுவின் உள்ளடக்கம் பின்வருமாறாகும்.

1. *
   திரு. நிமல் புஞ்சிஹேவா (தவிசாளர்)
2. *
   திரு. எஸ். பி. திவாரத்ன (உறுப்பினர்)
3. *
   திரு. எம். எம். மொஹொமட் (உறுப்பினர்)
4. *
   திரு. கே. பீ. பீ. பத்திரண (உறுப்பினர்)
5. *
   திரு. ஜீவன் தியாகராஜா (உறுப்பினர்)

திரு. ஜீவன் தியாகராஜா அவர்கள் 2021.10.11 ஆம் திகதி வட மாகாண ஆளுநராக நியமனம் செய்யப்பட்ட காரணத்தால் ஏற்பட்ட பதவி வெற்றிடத்திற்கு, 2021.10.28 ஆம் திகதி தொடக்கம் திருமதி பீ. எஸ். எம். சார்ள்ஸ் அவர்கள் நியமனம் செய்யப்பட்டார்.

இந்த ஆணைக்குழுவின் காலப்பகுதியினுள் 18 வயதுக்கு மேற்பட்ட பிரசைகளுக்கு ,18 வயது பூர்த்தியடைந்தவுடன் தேருநர் இடாப்பில் பதிவு செய்வதற்கான மீளாய்வு உள்ளடக்கப்பட்ட சட்டத் திருத்தங்கள் மற்றும் தேர்தல்கள் பிரசாரச் செலவினங்களைக் கட்டுப்படுத்துவதற்கான சட்டங்களை உருவாக்கியமை குறிப்பிடத்தக்க அம்சங்களாகும்.

மூன்றாவது தேர்தல் ஆணைக்குழு (2023.07.05 ஆம் திகதி தொடக்கம் இன்று வரை)

இருபத்தோராம் அரசியலமைப்புத் திருத்தத்தின் மூலம் திருத்தப்பட்ட இலங்கை சனநாயக சோசலிஷ குடியரசின் அரசியலமைப்பின் 103(1) உறுப்புரையின் படி, தேர்தல் ஆணைக்குழு ஐந்து உறுப்பினர்களைக் கொண்டிருத்தல் வேண்டும். 104(1) ஆம் உறுப்புரையின் பிரகாரம் அதன் தீர்மானத்திற்கான குறைந்தபட்ச கூட்ட நடப் பெண் மூன்று ஆகும். அரசியலமைப்புச் சபையின் பரிந்துரையின் பேரில் பின்வரும் தவிசாளர் உள்ளிட்ட மூன்று உறுப்பினர்கள் தேர்தல் ஆணைக்குழுவிற்காக அதிமேதகு ஜனாதிபதி அவர்களினால் அரசியலமைப்பின் 103(1) உறுப்புரையின் படி, 2023.06.28 ஆம் திகதி நியமனம் செய்யப்பட்டனர்.

1. *
   திரு. ஆர். எம். ஏ. எல். ரத்நாயக்க (தவிசாளர்)
2. *
   திரு. எம். ஏ. பீ. சி. பெரேரா (உறுப்பினர்)
3. *
   திரு. அமீர் பாயிஸ் (உறுப்பினர்)

இந்த நியமனத்துக்கு அமைய இவர்கள் 2023.07.05 ஆம் திகதி தமது பதவியின் கடமைகளைப் பொறுப்பேற்று மூன்றாவது தேர்தல் ஆணைக்குழுவின் உத்தியோகபூர்வ பணிகளை ஆரம்பித்தனர்.

இந்த நியமனங்களின் பின்னர், 2023.09.01 ஆம் திகதி மற்றும் 2024.01.10 ஆம் திகதிகளில் முறையே தேர்தல் ஆணைக்குழுவின் ஏனைய உறுப்பினர்களாக செல்வி ஏ. ஷண்முகநாதன், திரு. டி. எம். எஸ். எஸ். எல். திஸாநாயக்க ஆகியவர்கள் அதிமேதகு ஜனாதிபதி அவர்களால் தனக்கு வழங்கப்பட்டுள்ள அதிகாரங்களின் படியும் மற்றும் அரசியலமைப்பு சபையின் பரிந்துரையின் பேரிலும் நியமனங்கள் மேற்கொள்ளப்பட்டன.

திரு.ஏ. அருள்பிரகாசம் அவர்கள் - 1955.10.01 – 1957.03.06

தேர்தல்கள் திணைக்களத்தின் முதலாவது ஆணையாளராக திரு.ஏ.அருள்பிரகாசம் அவர்கள் நியமிக்கப்பட்டார். இவர் இந்தப் பதவிக்கு முன்பாக, உள்ளூர் அதிகார சபைத் தேர்தல்கள் ஆணையாளராகப் பணியாற்றினார். இலங்கையின் மூன்றாவது பாராளுமன்றத் தேர்தல்கள் இவரது சேவைக் காலத்தின் போது நடாத்தப்பட்டது. இந்தக் காலப்பகுதியில் நடைபெற்ற முக்கியமான நிகழ்வுகள்:

1. 1956 பாராளுமன்றத் தேர்தல்கள் நடாத்தப்படல்: இந்தத் தேர்தல்கள் மூன்று நாட்களினுள் நடாத்தப்பட்டது.

 

2. தேருநர் கணக்கெடுப்பு படிவம் (பி.சி. படிவம்) வீட்டுத் தலைவர் மூலம் கையொப்பம்மிட்டு ஒப்படைக்கும் முறை ஆரம்பிக்கப்பட்டது.

 

3. அதுவரை அகராதி ஒழுங்கின்படி தயாரிக்கப்பட்ட தேருநர் இடாப்பை வீட்டு இலக்க தொடரொழுங்கில் தயாரித்தல்.

ஆகிய சம்பவங்கள் முக்கியமானவை ஆகும்.

திரு.ஈ. எஸ். டயஸ் அபேசிங்க அவர்கள் - 1957.03.07 – 1978.03.15

திரு.ஈ.எஸ்.டயஸ் அபேசிங்க அவர்கள் 1957.03.07 ஆம் திகதி தேர்தல்கள் ஆணையாளராகப் பதவியேற்றார். திரு.ஏ. அருள்பிரகாசம் அவர்களின் ஓய்வுக்குப் பின்னர் இந்தப் பதவி வெற்றிடம் ஏற்பட்டது. நீண்ட காலம் இந்தப் பதவியில் பணியாற்றிய இவர், 1978.03.15 ஆம் திகதி ஓய்வு பெற்றார். இவரது பதவிக்காலத்தில் தேர்தல்கள் திணைக்களத்தின் மிக முக்கியமான நிகழ்கள் இடமபெற்ற காலப்பகுதியாகக் கருதப்படுகிறது, அதேபோன்று தேர்தல்கள் தொடர்பான பல புதிய சட்ட விதிகளும் மற்றும் புதிய நடைமுறைகளும் இக்காலத்திலேயே அறிமுகப்படுத்தப்பட்டன.

தேர்தல்கள் திணைக்களத்தின் அலுவல்கள் ஆரம்ப சந்தர்ப்பத்திலிருந்து கிரம்மாக விருத்தியடைந்தமை இங்கு காணமுடியுமான ஒரு விசேட இலட்சணமாகும். அதற்கமைய நிறுவனத் தலைவர் என்ற அடிப்படையில்தேவையான சட்டப் பின்னணி மற்றும் தேர்தல்கள் முகாமைத்துவத்தை வலுப்படுத்துவதற்காக அவர் செயற்பட்டமையை அவதானிக்க முடிகின்றது. அக்காலப் பகுதியில்,மேற்கொள்ளப்பட்ட முக்கிய நடவடிக்கைகள் பின்வருமாறு:

1. பாராளுமன்றத் தேர்தலை ஒரே நாளில் நடாத்தும் முறை ஆரம்பம்-(1960 மார்ச் தேர்தல்). இதற்கு முன்னர் 1947 ஆம் ஆண்டு நடாத்தப்பட்ட முதலாவது பாராளுமன்றத் தேர்தல்கள் 19 நாட்களினுள்ளும், 1952 இல் நடாத்தப்பட்ட இரண்டாவது பாராளுமன்றத் தேர்தல்கள் 4 நாட்களிலும், 1956 இல் நடாத்தப்பட்ட மூன்றாவது பாராளுமன்றத் தேர்தல்கள் 3 நாட்களிலும் நடாத்தி முடிக்கப்பட்டுள்ளது.அதற்கமைய தேர்தல்களை ஒரு தினத்தினுள் நடாத்துவதை ஆரம்பித்தல் விசேட அம்சமாகும்.1960 மார்ச் மாதம் தொடக்கம் நடாத்தப்பட்ட அனைத்து பாரளுமன்றத் தேர்தல்களும் ஒரு நாளினுள் நடபாத்தப்பட்ட தேர்தல்களாகும்.

 

2. அரசியல் கட்சிகளைப் பதிவு செய்தல் மற்றும் அங்கீகரிக்கப்பட்ட அரசியல் கட்சி முறையை அறிமுகப்படுத்தல்.

 

3. வாக்காளர்களுக்கு உத்தியோகபூர்வ வாக்காளர் அட்டை அனுப்புதல் மற்றும் வாக்கெடுப்பு நடாத்தப்படும் திகதி, வாக்கெடுப்பு நிலையம், வாக்காளர் பதிவு தொடரிலக்கம், மற்றும் வாக்களிக்க கூடிய காலப்பகுதி போன்ற விபரங்களை இந்த அறிவித்தல் மூலம் வாக்காளர்களிக்கு வழங்குதல்.

 

4. வாக்கெடுப்பு தினம் அத்தியாவசியச் சேவையில் ஈடுபட்டுள்ளவர்களுக்குத் தபால் மூலம் வாக்களிப்பதற்கான சந்தர்ப்பம் வழங்குதல்.

 

5. 1960 மார்ச் தொடக்கம் 1977 வரை 05 பாராளுமன்றத் தேர்தல்களும் மற்றும் பல உள்ளூராட்சி அதிகார சபைத் தேர்தல்களும் நடத்தப்பட்டன.

 

6. 1972 ஆம் ஆண்டில் இலங்கை குடியரசு அரசியலமைப்பு நிறைவேற்றப்பட்டதைத் தொடர்ந்து ஆளுநருக்குப் பதிலாக பெயரளவு ஜனாதிபதி ஒருவர் நியமனம், பாராளுமன்றத்திற்குப் பதிலாக தேசிய அரசுப் பேரவை தாபிக்கப்படல், மற்றும் மேலவை சபை/ மந்திரி சபை இல்லாதொழிக்கப்படல் போன்ற மாற்றங்கள் சகிதம் அதனுடன் தொடர்புடையதாக தேர்தல்கள் திணைக்களத்தில் மாற்றங்கள் கொண்டு வரப்பட்டன; தேசிய அரசுப் பேரவையின் பதவிக்காலம் 6 ஆண்டுகளாக அதிகரிக்கப்பட்டது.

திரு.எம். ஏ. பியசேகர அவர்கள் - 1978.03.16 – 1982.01.31

திரு,எம். ஏ. பியசேகர அவர்கள், 1978.03.16 – 1982.01.31 வரை உதவித் தேர்தல்கள் ஆணையாளர், பிரதித் தேர்தல்கள் ஆணையாளர் ஒருவராகப் பணியாற்றிய பின்னர் 1978.03.16 ஆம் திகதி தேர்தல்கள் ஆணையாளராகப் பதவியேற்றார். இந்தக் காலகட்டத்தில் தேர்தல்கள் திணைக்களத்தில் நடைபெற்ற முக்கியமான நிகழ்வுகளில் பின்வரும் விடயங்களைக் குறிப்பிடலாம்:

1. 1978 ஆம் ஆண்டின் இலங்கை ஜனநாயக சோசலிச குடியரசு அரசியலமைப்பு உருவாக்கம் மற்றும் இதன் கீழ் ஜனாதிபதித் தேர்தல்கள், சர்வஜன வாக்கெடுப்பு போன்ற புதிய தேர்தல்கள் முறைகளை அறிமுகப்படுத்தல்.

 

2. வாக்களிக்கும் போது கட்சிக்கு வாக்கும் மற்றும் வேட்பாளர்களுக்கு விருப்பு அளிக்கும் புதிய முறை அறிமுகப்படுத்தல்.

 

3. 1980 ஆம் ஆண்டின் 35 ஆம் இலக்க அபிவிருத்திச் சபைகள் சட்டம் நிறைவேற்றப்பட்டதன் மூலம் புதிதாக உள்ளூர் அதிகார சபைகள் குறிப்பாக மாவட்ட மட்டத்தில் தாபித்தல் மற்றும் அதற்கான தேர்தல்களை நடாத்துதல்.

 

4. 1981 ஆம் ஆண்டில் அபிவிருத்திச் சபைகளுக்கான முதலாவது தேர்தலை நடத்துதல்.

 

தேர்தல்கள் ஆணையாளர் எம்.ஏ.பியசேகர அவர்கள் ஓய்வு பெற்றதனைத் தொடர்ந்து, மிகச்சிறிய காலம் பதில் கடமை தேர்தல்கள் ஆணையாளர்களாக கடமையாற்றிய பிரதித்தேர்தல்கள் ஆணையாளர் திரு.எல்.ஏ.ஜீ. ஜயசேகர அவர்கள் 1982.02.01 – 1982.03.24மே திகதி வரையும் சனாதிபதியின் மேலதிகச் செயலாளரொருவான திரு.எஸ்.எல். மரிக்கார் அவர்கள் 1982.03.25 – 1982.05.03 ஆம் வரையும் நியமனம் செய்யப்பட்டனர்.

திரு.ஆர். கே. சந்திரானந்த டி சில்வா அவர்கள் - 1982.05.04 – 1995.02.18

திரு.ஆர்.கே. சந்திரானந்த டி சில்வா அவர்கள் 1982.05.04 ஆம் திகதி தேர்தல்கள் ஆணையாளராகப் நியமனம்செய்யப்பட்டார்.அவர் இந்தப் பதவிக்கு நியமிக்கப்படுவதற்கு முன்னர் தேர்தல்கள் திணைக்களத்தில் உதவி தேர்தல்கள் ஆணையாளராகச் சேவையாற்றினார்.

இவரது காலப்பகுதி தேர்தல்கள் திணைக்களத்திற்கு அலுவல்கள் நிறைந்த காலப்பகுதியாகும், ஏனெனில் நாட்டின் அரசியலில் ரீதுயாக நெருக்கடிகள் நிலவிய மற்றும் பயங்கரம் நிறைந்த யுகமாக காணப்பட்ட காரணத்தால் தேர்தல்கள் பணிகளை முன்னெடுப்பதில் பல்வேறு சிக்கலான நிலைமைகள் காணப்பட்டன.

இந்தக் காலகட்டத்தில், தேர்தல்கள் செயலக அலுவலகம் நிருமாணிக்கப்பட்டமையினால் இது வரை வாடகை அடிப்படையில் அலுவலக இடவசதிகளைப் பெற்றுக்கொள்ளல் முடிவுக்கு கொண்டு வரப்பட்டது. திரு.ஆர்.கே.சந்திரானந்த டி சில்வா அவர்களின் காலப்பகுதியில் நடைபெற்ற முக்கியமான நிகழ்வுகள் பின்வருமாறு:

1. முதலாவது மக்கள் தீர்ப்பு வாக்கெடுப்பு நடத்துதல் (மக்கள் தீர்ப்புச் சட்டத்தின் கீழ்).

 

2. 1987 ஆம் ஆண்டின் 15 ஆம் இலக்க பிரதேச சபைகள் சட்டம் நிறைவேற்றப்படல் மற்றும் பிரதேச சபைத் தேர்தல்கள் சட்டங்களை நிறைவேற்றல்.

 

3. 1988 ஆம் ஆண்டின் 42 ஆம் இலக்க மாகாண சபைகள் சட்டத்தை நிறைவேற்றுதல் மற்றும் 1988 ஆம் ஆண்டின் 02 ஆம் இலக்க மாகாண சபைத் தேர்தல்கள் சட்டத்தின் கீழ் முதலாவது மாகாண சபைத் தேர்தலை நடத்துதல்; மாகாண சபைத் தேர்தலின்போது விருப்பு வாக்குமுறை அறிமுகப்படுத்தப்பட்டது.

 

4. முதலாவது ஜனாதிபதித் தேர்தலை நடத்துதல் (ஜனாதிபதித் தேர்தல்கள் சட்டம்).

 

5. 13 ஆம்அரசியலமைப்புத் திருத்தம் நிறை வெற்றப்படல் மற்றும் அதற்கேற்ப மாகாண சபைத் தேர்தல்களை ஆரம்பித்தல்.

 

6. 1988 ஆம் ஆண்டின் பாராளுமன்றத் தேர்தலை நடத்துதல்; இந்தத் தேர்தல்கள் விகிதாசார பிரதிநிதித்துவ முறை மற்றும் விருப்பு வாக்கு முறையின் கீழ் தேர்தல்கள் நடாத்தப்பட்டன.

 

7. இரண்டாவது மாகாண சபைத் தேர்தலை நடாத்துதல்.

 

8. இரண்டாவது ஜனாதிபதித் தேர்தலை நடாத்துதல்.

 

9. 1994 ஆம் ஆண்டின் பாராளுமன்றத் தேர்தலை நடாத்துதல்.

திரு.தயானந்த திசாநாயக்க - 1995.02.18 – 2011.03.26

பிரதித் தேர்தல்கள் ஆணையாளராகப் பணியாற்றிய திரு.தயானந்த திசாநாயக்க அவர்கள் 1995.02.18 ஆம் திகதி தேர்தல்கள் ஆணையாளராக நியமனம் செய்யப்பட்டார்.

இவரது பதவிக் காலப்பகுதியில் 2000 மற்றும் 2004 பாராளுமன்றத் தேர்தல்களும், 2005 மற்றும் 2010 ஜனாதிபதித் தேர்தல்களும், மாகாண சபைத் தேர்தல்கள் மற்றும் உள்ளூராட்சி மன்றத் தேர்தல்கள் பலவும் நடாத்தப்பட்டன.

தேர்தல்கள் திணைக்களம் மற்றும் தேர்தல்கள் ஆணையாளர் பதவிக்குப் பதிலாக "தேர்தல் ஆணைக்குழுவை" தாபிப்பதற்கான 17 ஆவது அரசியலமைப்புத் திருத்தத்தின் மூலம் சட்ட ஏற்பாடுகள் செய்யப்பட்டன. இதன் பிரகாரம் 5 உறுப்பினர்களைக் கொண்ட ஆணைக்குழுவைத் தாபிக்கப்பட வேண்டியிருந்தது.

தேர்தல் ஆணைக்குழு தாபிக்கப்படும் வரை பதவி வகிக்க வேண்டி ஏற்பட்ட காரணத்தால், அந்தப் பதவியில் நீண்ட காலம் பணியாற்றுவதற்கு திரு தயானந்த திசாநாயக்க அவர்களுக்கு நேரிட்டது. 18 ஆம் அரசியலமைப்புத் திருத்தத்தின் மூலம் அந்த சட்ட ஏற்பாடுகள் நீக்கப்பட்டன. அதன் பிரகாரம், 2011.03.25 ஆம் திகதி திரு. தயானந்த திசாநாயக்க அவர்கள் ஓய்வு பெற்றார்.

திரு. மஹிந்த தேசப்பிரிய - 2011.03.26 – 2015.11.16

2011.03.26 ஆம் திகதி ஆறாவது தேர்தல் ஆணையாளராக திரு. மஹிந்த தேசப்பிரிய அவர்கள் நியமனம் செய்யப்பட்டார். 1983 ஆம் ஆண்டு தொடக்கம் உதவித் தேர்தல்கள் ஆணையாளர், பிரதித் தேர்தல்கள் ஆணையாளர் மற்றும் மேலதிக தேர்தல்கள் ஆணையாளர் எனப் பல பதவிகளை வகித்த திரு. தேசப்பிரிய அவர்கள், இந்தத் திணைக்களத்தில் மிக நீண்ட காலம் பணியாற்றிய ஓர் அலுவலராவார். அதேபோன்று இந்த திணைக்களத்தின் இறுதி ஆணையாளராகவும் திரு. மஹிந்த தேசப்பிரிய அவர்கள் பதவி வகித்தார்.

இக்காலப்பகுதியினுள் கீழேயுள்ள பல புதிய அம்சங்கள் மற்றும் விசேட செயல்பாடுகள் தேர்தல் திணைக்களத்தின் பணிகளில் இணைத்துக் கொள்ளப்பட்டன:

1. தேர்தல்களை/வாக்கெடுப்புக்களை நடாத்தும் போது பொலிஸாரை ஆக்கப்பூர்வமாக அந்த அலுவல்களில் ஈடுபடுத்துவதன் மூலம் தேர்தல் தவறுகள் மற்றும் சட்டவிரோதச் செயல்களைக் குறைத்தல்.

 

2. ஒரு வருட காலம் முழுவதும் மேற்கொள்ளப்பட்ட தேருநர் இடாப்பு மீளாய்வு மற்றும் அத்தாட்சிப்படுத்தல் பணிகளை சுமார் 06 மாதங்களுக்குள் முடித்தல்.

 

3. தேசிய மற்றும் மாவட்ட மட்டத்தில் தேர்தல்கள் முறைப்பாடுகளை விசாரணை செய்வதற்கான புதிய நிகழ்ச்சித்திட்டமொன்றை நடைமுறைப்படுத்தல்.

 

4. வருடாந்த தேருநர் இடாப்பு மீளாய்வுக்கு அடிப்படையான தினத்தை "வாக்காளர் தினமாக" அறிவித்தல்.

 

5. வாக்காளர்களை அறிவுறுத்தும் விழிப்புணர்வு நிகழ்ச்சித் திட்டங்களை நாடு முழுவதும் நடைமுறைப்படுத்தல்.

 

6. தெற்காசிய தேர்தல் அதிகாரிகளின் கூட்டமைப்பின் "தலைவர் பதவி" இலங்கைக்குக் கிடைத்தமை.

 

7. தேர்தல்கள் திணைக்களத்தின் 60-வது ஆண்டுநிறைவு விழாவைக் கொண்டாடியமை.

 

8. ஜனாதிபதித் தேர்தல்கள், பாராளுமன்றத் தேர்தல்கள், மாகாண சபைத் தேர்தல்கள் மற்றும் உள்ளூராட்சி மன்றத் தேர்தல்கள் எனப் பல தேர்தல்களை நடாத்தியமை.

 

19 ஆவது அரசியலமைப்புத் திருத்தத்தின் மூலம் தேர்தல் ஆணைக்குழுவை தாபிப்பதற்கான புதிய சட்ட ஏற்பாடுகள் வகுக்கப்பட்டன. இதன்படி, தேர்தல் ஆணைக்குழுவின் தவிசாளர் உள்ளிட்ட மூன்று உறுப்பினர்கள் அரசியலமைப்பு பேரவையின் பரிந்துரையின் மீது சனாதிபதி அவர்களினால் 2015 நவம்பர் 13 ஆம் நியமனம் செய்யபட்டது. அதற்கமைய 2015 நவம்பர் 17 ஆம் திகதி தேர்தல் ஆணைக்குழு உறுப்பினர்கள் தமது கடமைகளைப் பொறுப்பேற்றுக் கொண்டதனைத் தொடர்ந்து, தேர்தல் ஆணைக்குழு தாபிக்கப்பட்டதோடு தேர்தல்கள் திணைக்களம் அதன் அறுபதாவது வயதில் இல்லாதொழிந்தது.

சட்டத்தரணி திரு. நிமல் ஜி. புஞ்சிஹேவா - 2020-2023

1976 ஆம் ஆண்டில் கொழும்புப் பல்கலைக்கழகத்தில் சட்மாணிப் பட்டம் பெற்று, 1979 ஆம் ஆண்டில் உயர் நீதிமன்ற வழக்கறிஞராகப் சத்தியப்பிரமாணம் செய்துகொண்டார். திரு.நிமல் ஜி. புஞ்சிஹேவா அவர்கள், அதன் பின்னர் உள்ளூராட்சி சேவையில் இணைந்து கடுவல கிராமிய சபை செயலாளராக பணியாற்றினார், அதன் பின்னர் கூட்டுறவு சேவையாளர் ஆணைக்குழுவின் உறுப்பினர், இலங்கை மீன் பிடிக் கூட்டுத்தாபனத்தின் தலைவர்,தேசிய கைத்தொழில் மற்றும் தொழில்பயிற்சி அபிவிருத்தி அதிகார சபையின் உப தலைவர், மனித உரிமைகள் ஆணைக்குழுவின் கருத்திட்டப் பணிப்பாளர் , நிருவாக மற்றும் நிதிப் பணிப்பாளர் மற்றும் மேலதிகச் செயலாளர் (சட்டம்) போன்ற பல்வேறு பதவிகளை வகித்துள்ளதோடு, தேர்தல்கள் ஆணைக்குழுவின் தவிசாளராகவும் பணியாற்றியுள்ளார்.

சட்டம் மற்றும் மனித உரிமைகள் தொடர்பான பல கட்டுரைகள் மற்றும் புத்தகங்களை எழுதியுள்ளதோடு, பல அரசு மற்றும் அரசு சார்பற்ற நிறுவனங்களின் நடவடிக்கைகளில் பங்களிப்பு செய்துள்ளதோடு இலங்கையைப் பிரதிநிதித்துவப்படுத்தி பல வெளிநாட்டு மாநாடுகளிலும் மற்றும் செயலமர்வுகளிலும் கலந்து கொண்டுள்ளார்.

2016 ஆம் ஆண்டு முதல் தேர்தல் ஆணைக்குழுவின் தவிசாளர் பதவிக்கு நியமிக்கப்படும் வரை தேர்தல் ஆணைக்குழுவின் சட்ட ஆலோசகராகப் பணியாற்றியுள்ளதோடு அந்த காலப்பகுதியில் தேர்தல் ஆணைக்குழுவிற்குத் தேவையான சட்ட ஆலோசனைகளை வழங்கி தேர்தல்கள் மற்றும் தேருநர் பதிவு தொடர்பான சட்டத் திருத்தங்களை மேற்கொள்வதற்கும் தனது தீவிர பங்களிப்பை வழங்கியுள்ளார்.

திரு.ஆர். எம். ஏ. எல். ரத்நாயக்க அவர்கள் - தவிசாளர், தேர்தல் ஆணைக்குழு

திரு.ஆர். எம். ஏ. எல். ரத்நாயக்க அவர்கள் பேராதனைப் பல்கலைக்கழகத்தின் பட்டதாரி ஆவார். 1985 ஆம் ஆண்டில் இலங்கை நிர்வாக சேவையில் இணைந்து, 1986 ஆம் ஆண்டு முதல் உதவி தேர்தல்கள் ஆணையாளராகப் பணியாற்றிய இவர்,திருகோணமலை, நுவரெலியா, புத்தளம் மற்றும் கேகாலை மாவட்டத் தேர்தல்கள் அலுவலகங்களில் உதவி தேர்தல்கள் ஆணையாளராகப் பணியாற்றியுள்ளார். குருநாகல் மாவட்ட தேர்தல்கள் அலுவலகத்தில் பிரதித் தேர்தல்கள் ஆயாளராகப் பணியாற்றிய இவர், 2011 ஆம் ஆண்டில் உள்ளூர் அதிகார சபைத் தேர்தல்கள் பிரிவின் மேலதிகத் தேர்தல்கள் ஆணையாளராக நியமிக்கப்பட்டார். பின்னர், தேர்தல் ஆணைக்குழுவின் முதலாவது தேர்தல்கள் ஆணையாளர் நாயகமாக நியமிக்கப்பட்ட இவர், தேர்தல்கள் திணைக்களம் மற்றும் தேர்தல் ஆணைக்குழுவில் 33 வருடங்களுக்கும் மேற்பட்ட சேவைக்காலத்தைக் கொண்ட, அனுபவம் மிக்க ஓர் அரச அலுவலராவார்